Hindi madali, pero kakayanin
Hindi mabilis, pero tatapusin
Hindi imposible, kung susubukan
Ilang hakbang na lamang!
Sa bawat hakbang palayo sa iyo
Unti-unti akong nakakawala
Sa sakit at hapdi na nararamdaman
Pero paano na ang puso kong nagmamahal?
Luha na unti-unting pumapatak
Kabiguan at kasadlakan na nalagpasan
Sa haba ng hinantay at inabangan
Sa huli maiiwan din naman!
Kung hindi ngayon kailan?
Kung sa bawat umaga ako’y umaasa
Kung sa bawat panaginip nandiyan ka?
Saan ako lulugar, kung sa lahat ng dako nandoon ka?
Ilang hakbang na lang,
Kung hindi ako lilingon,
Tuluyan na ba kita malilimutan?
O lalo lang ako sa iyo ay magaabang?