Habang papasikat ang araw na tuluyang magbibigay ng liwanag sa lahat, Aking naitanong “Babalik pa ba sa normal ang lahat?”
Ingay at tawanan ng mga batang naglalaro tila ba’y naglaho at ngayon ay napalitan ng pangamba at takot.
Sikat ng araw, dala ay saya at pag-asa sa panibagong araw, Ngunit sa bawat araw na nagdadaan, Takot at pangamba ang nangingibabaw.
Masarap langhapin ang panibagong araw na may pag-asa at pananalig sa ating Panginoon. Sabe nga sa Mateo 6:34, “Huwag ikabalisa ang araw ng bukas sapagkat ang araw ng bukas ay nababalisa sa kaniyang sarili.”