ganitong oras na naman
muling nararamdaman
ang lungkot at pighati
sa puso’y pumupunit
bakit biglang nagugunita
ang mga nilimot ng ala-ala
pilit winawala sa isipan
ngunit puso ang nagwawagi sa laban
ganitong sandali ang ayoko
napapangiwi, napapayuko
napapaisip at natutulala
pero walang pumapatak na luha
siguro ikaw nga ‘yong sugat
na hindi maaalis ang bakas
kahit naghilom na ito
malabong malimot ng puso.
