Nararamdaman ko ang nalalapit ko ng paglisan
Eto na ba ang katapusan?
Paanong ang walang hanggan ay umabot sa dulo?
Ang pangarap na sabay nating tinitingala ay ako na lang ang mag-isang aabot
Sa aking paglisan sana ay iyong maramdaman ang pangungulila sa ating dalawa
Labis na kalungkutan habang aking binibilang ang mga natitirang araw
Darating ang mga buwan na hindi na natin masisilayan ang isa’t isa
Hahanapin mo kaya ako sinta?
Gayon palagi mo na sinasabi na sanay ka ng mag-isa