Maraming sumubok paghiwalayin tayo,
Ngunit ang pagmamahal ko sayo’y totoo.
Maraming beses kitang nasaktan
Ngunit ilang beses akong tinanggap ng walang pag-aalinlangan.
Nakagawa man noon ng kalokohan
Hindi iyon rason upang ika’y kalimutan
Handang mangakong ikaw lamang hanggang dulo
Basta’t mahalin mo ako ng totoo.
Marami man akong kaagaw sayo,
Pagmamahal ko nama’y hindi magbabago
Libutin mo man ang mundo
Wala kang makikitang katulad ko.
Marami man akong pagkukulang sayo
Sana’y ako’y pagpasensiyahan mo
Kaya’t mahal iyong tandaan
Ang mga pagsubok na ito’y sukatan sa ating pagmamahalan.
