Abi nila atik atik, diay to naninuod naka
Abi ilad ilad apan diay to ikaw naigo na
Sungog lang man unta pero ikaw mura nag gibayaw
Apan ang gisungog sa imoha sugot lang sa relasyong tiaw-tiaw
Abi abi, puro na lang ba ta in-ani?
Unsa man, dili ka o tinud-on mo ba kining pagbati?
Kung ako lang gusto nako tanggalon na ni
Di man diay ka mag-stay, nganong gituyuan pa nimog agi?
Pastilan dodong, undangi ko
Ning puro nimo paduding unya wa diay to’y klaro
Gi-ampo mo ba kini o basin emosyon lang nag-desisyon?
Ayaw kog labda dong kay basin ako mapikon
Wa ko nagdali pero ikaw sigeg papansin
Sigeg padungog, sige pacute ug sige paduding
Nagpuyo ko diri dong, ayaw ko samuka
Kung wala man gani kay plano, ayaw ko labda
Pangitag lain dong na pwede nimong mailad
Kanang humok ug ilong ug willing mubigay sad
Wag ako please madisappoint lang ka
Strict akong Papa, isipa dong, Ginoo imong ginabangga
Prinsesa ko kay akong Papa Hari
Kung ilad ilad ug atik atik lang, mali nga baye imong gipili
Nagsayang lang kag oras, load ug strategy
Bisan unsaon mo pa, alam na this kinsa’y pildi
Kung ilad imong gipangita pangitag scammer
Kanang parehas nimo nga sugot lang sa walay forever
Ayaw kabalaka dong di ko parehas nimo,
Mutuo kog forever labi na sa Iyang mga plano ☝️
Tinuod nga gugma akong gipangita parehas Niya
Dili sama nimo na gugma base lang sa biga
Ako pa nimo dong, tarunga imong kinabuhi
Tambag lang, sa Ginoo imong kalipay dili sa lain laing babae
Di pa uwahi ang tanan dong para sa imong pagbag-o
Balik Kaniya, dawata Siya ug pangayo ug pasaylo
Sa imong pagdawat, tinud-a jud kay para na kanimo
Mao kanang desisyon na sakto ug dili nimo mahayan pag-ayo
Dili man kita ang magkadayon
Apan ako maglantaw sa imoha nga malipayon
Kay kabalo ko sa Ginoo, kinabuhi nimo may tumong
Ug sa Iyaha lang ikaw ug ako, parehas tang magmadinaugon 💪
P.S. Gipasaylo na tika, dong.