Patatawarin na ang sarili
Sa mga pagkakamali
Bibitawan na ang mga kasalanang
Nagpapabigat sa dibdib
Ayaw nang malunod sa alat at pait
Papakawalan sa dalampasigan
Ang mga nakaraang bumabalik-balik
Isisigaw sa kawalan
Ang mga di pa mawari
Imumulat na ang mga mata sa mga katotohanang
Tatanggaping paunti-unti
Kakalasin na sa pagkakaangkla ang mga paang naatubili
Sa Itaas nalang ipapaubaya ang lumipas
Di na hahawakan
Di na ikakahon
Wala nang magagawa pa
Kundi ang umusad at umahon.
Panahon na rin para maghilom
Ahon!