Halos sampung buwang puro kalungkutan
Na tila ba iniwan na rin ako ng kasiyahan
Noong gabing napagpasiyahan mong bumitaw,
Bumitaw sa ating dalawa
Sampung buwan akong nag isip
Kung san ba ako nagkamali
Hindi ko ba naibigay ang lahat?
Hindi ko ba naipadama na mahal kita?
Hindi ko lubos maisip
Kung paano ako babangon ulit
O kung magiging masaya pang muli
Ngayong hindi na kita kapiling
Pero ngayon ay tanggap ko na
Hindi talaga tayo para sa isa’t isa
Kaya ngayon ay masasabi ko na
Na kaya ko na ng walang ikaw
Salamat sa ilang buwang pagsasama
Lahat ng ala ala’y di ko malilimutan
Pero kailangan ko nang kalimutan
Na ikaw at ako ay pwede pa
Ako na lang naman ang nakakapit
Umaasang baka maibabalik
Pero ngayon ay tanggap ko na
Kaya bibitawan na kita
Sarili ko naman ang aalagaan at pasasayahin ko
Dahil napabayaan ko na nung humahabol ako sayo
Bakit pa ako babalik sayo
Kung maaaring mawasak na naman ako
Sana maging masaya ka sa daan na tatahakin mo
Kasama ka pa rin sa mga panalangin ko
Kailangan ko na munang lumayo
Para mabuo kong muli ang sarili ko.
Hanggang sa muli….