Maaari ba
Sa huling sandali
Yakapin mo ako
Na kunwari’y sayo?
Maaari ba
Sa huling sandali
Tignan mo ako sa aking mga mata
Na tila ako sayo’y mahalaga?
Maaari ba
Sa huling sandali
Hawakan mo naman ako
Na parang ayaw mong mawala ako sayo?
“Mahal kita”
“Mahal na mahal kita”
Nais ko ulit marinig
Na ako’y mahal mo pa.
Oo.
Minsan mo nang ipinadama,
Na ako lang,
Na ako lang ay sapat na
Pinaniwala mo ako
Sa mga pangako
Na ako nga lang
Pero bakit sa huli ang naiwa’y ako na lang?