“Mga gusto mo na gusto ko”
Alam ko na gusto mong ginagawan ka ng tula
Tapos kakantahan ka sabay sabing
Ikaw ang pinakamaganda
Na iingatan at patatawanin ka
Kaya ginawa ko lahat ng posibleng
Iyong ikakatuwa
Pero hindi ito tungkol sa mga gusto mo,
Kundi dahil ito ang gusto ko
Gusto kong ipakita sa’yo ang mundo
Sa ilalim nang mga pahina ng librong
Sinusulat ko para sa’yo
Sana’y unawain mo
At sa mga tonong masakit sa tenga,
Mga lirikong hindi tama
Ay aking ginagawa upang madinig
Ang emosyon ng panghaharana
Pero mas nagustuhan ko yung
Pagiging malapit mo sa diyos
Rason kung bakit nilalapit ko sarili ko sa kanya
Para sa paglapit ko ay nasa tabi na kita
Nagustuhan ko kung paano ka ngumiti
Kung paano ka magalit
Sa mga panunuksong aking ginagawa
Nagustuhan ko lahat
At ikaw na ang rason
Kung bakit susulatan ko pa
Ng mga letra ang
Mga susunod na pahina
