Naalala mo pa paano tayo’y nagsimula,
Isa sa mga ala-alang sobrang saya
Mula sa linyahan kong parang gusto ko ng kape
Bakit nga ba? Para laging makapeling ka
Ilang segundong hindi ka nakasagot,
Ako naman sa kilig ay napabaluktot
Gabi gabi naguusap hanggang madaling araw,
Ang saya sa puso na laging umaapaw
Ikaw ang tanging nagbigay ng masasayang ala-ala,
Na kahit saan ay aking dala-dala
Marami tayong gustong gawin para maabot ang ating mga pangarap,
Ikaw lang ang gusto kong makasama hanggang sa hinaharap
Ako ay lubos na nagpapasamalat sa iyong pagmamahal aking sinta,
Sa lahat ng ginagawa mo para ako ay laging maging masaya,
Hindi man tayo magkasama sa isa sa mga mahalagang araw sa buhay mo,
Palagi mong tatandaan na lagi akong nandito para sa’yo
Handa kang hintayin kahit gaano katagal,
Dahil ikaw lang ang nagiisang mahal
Maligayang kaarawan para sa’yo aking kabiyak,
Ang pagmamahal ko sa’yo ay hindi nasusukat pero tiyak
Balang araw tayo ay magkakasamang muli,
Walang titibag sa atin hanggang sa huli
Mahal na mahal kita 
