Na para bang proyekto sa eskwela
Kung saan kayo ang magkapareha.
Yung ikaw ngarag na ngarag na
Tapos yung ka-grupo mo petiks pa.
Yung alam niyong kayo’y babagsak na
Pero siya wala pa ring ginagawa.
Na para bang nag rank game ka sa ML
Kung saan nag hahabol ka ng star.
Yung malapit na mag End Season
Tapos yung kampi mo kanser pa.
Yung push pa at nag launch attack ka
Pero siya, initiate retreat at surrender na.
Na para bang kanta sa videoke
Kung saan ikaw ang nag lagay.
Yung sabi niya hanggang chorus lang daw
Tapos patapos na pero sige pa rin siya.
Yung gusto mong agawin yung mic sa kanya
Pero hinayaan mo nalang siya.
Na para bang cake sa isang party
Kung saan lahat gusto ng parte.
Yung kanya-kanya na silang hati
Tapos ikaw yung nahuli.
Yung halos tira-tira nalang yung sayo
Pero at least natikman mo.
Na para bang sirang plaka
Kung saan paulit-ulit na yung kanta.
Yung akala mo patapos na
Tapos biglang tatalon ulit sa simula.
Yung sobrang na ririndi ka na
Pero hindi mo matapon dahil mahalaga.
Na para bang isang bula
Kung saan nakakapagbigay ka ng saya
Yung bubuuin ka nila
Tapos puputukin din bigla.
Yung bigla nalang nawawala
Pero nag-iiwan nang kakaibang saya.
Na para bang ika’y isang turumpo
Kung saan ikaw ay nilalaro.
Yung pa-itaas ka niyang hahatakin
Tapos sa kanyang kamay ika’y papaikutin
Yung sa lubid ika’y kanyang babalutin
Pero pagkatapos ay hihilahin at ibabato rin.
Na para bang isang politiko
Kung saan nanlilimos ka ng boto
Yung naka-upo ka na sa pwesto
Tapos nakalimutan mo na yung mga sinabi mo.
Yung ang dami-dami mong pangako,
Pero sa huli lahat ‘yon, mapapako.
Na para bang bigla kang nagising sa pagkakahimbing
Kung saan naghahanap ka ng lambing.
Yung magtataklob ka nalang ng kumot sa tabi
Tapos tahimik ka nalang na hihikbi.
Yung tipong malamig ang gabi
Pero wala ka pa ring katabi.
Na para bang walang tigil ang ulan
Kung saan gusto mong patilain yan.
Yung ang araw ay muli nang masisilayan
Tapos ang bahaghari’y iyong inaabangan.
Yung pag buhos niya nga’y natigilan
Pero ang mga daa’y basa pa rin naman.
Na para bang kwento niyong dalawa
Kung saan ito ay patapos na.
Yung gusto mo sanang ituloy pa
Tapos pinipilit mo pa talaga.
Yung ikaw, kahit hirap na, laban pa.
Pero siya, wala na, sinukuan ka na.
Na para bang tungkol talaga satin ‘tong dalawa
Kung saan gumamit lang ng iba’t ibang paksa
Yung iniba ang mga panghalip at pandiwa
Tapos idinaan nalang sa mga positibong parilara.
Yung ang tema’y pinipilit na maging masaya
Pero ang totoo’y malungkot itong may-akda.
-JulaissABNOY©️
