(a reverse poetry)
Wala kang halaga…
At ayokong iisipin mong
para sa’yo lang ang aking mga ngiti
Dahil iba ka sa kanilang lahat
Hindi kita gusto
Malabong mangyaring
Espesyal ka sa akin
Sana lagi mong tandaan
na wala kang puwang sa puso ko
na wala akong pakialam sa iyo
Hindi pupuwede
lagi na lang tayong magkasama
Sa bawat luha at tuwa…
Kung iisipin mo,
tanging ikaw lang,
sa lahat-lahat,
ang nagbibigay kahulugan…
Binigyan ng musika
ang bawat pangungusap,
Nilagyan ng tamis
ang bawat pagtingin…
Binago mo ang aking mundo
Ngayon ikaw sa akin ay balewala
Nagkakamali ka sa iyong akalang
Iba ang turing ko sa’yo
Hindi totoong…
Di ako kumpleto,
Pag wala ka,
Na sana lagi kang nasa aking tabi,
Ang gusto ko,
Higit pa doon
Ayaw na kitang kaibigan.
(basahin mo naman nang pabaligtad. simula dito sa dulo)
