Di ko alam bat ako nagkakaganito, di ko alam bakit ako nagkakaganito dahil sayo
Oo alam ko saglit palang tayong nagkakilala
pero kase mula nung lumisan ka sobrang bigat ng aking dinadala
Di ko alam bat ko sinimulan siguro dahil umasa ako sa walang hanggan
Umasa na ikaw na ang sa akin nakatakda, ikaw ang magaantay sa kin sa dulo ng dambana
Pero si kupido ay mali ata ang pinana, ako ay tinamaan sa puso,
at ikaw naman ay sa paa, dahil natalisod ka lang ata
Natalisod at agad kang nakabangon habang ako eto nananatili parin nakabaon
Di na makabangon bangon mula sa pagkakalaglag ko sayo sa ilang beses na pagkakataon.
Bawat sambit ko ng matamis na salita tila ako ang nahuhulog sa sarili kong pakana
Ngayong di ko alam kung bakit ko ginawa, sana talaga di na lang nagsimula.
Sana’y di na lang tayo nagkwentuhan, sana di na lang tayo nagkulitan
Para nanataling tahimik ang magulo kong mundo, na kahit magulo sanay naman ako,
Di ako sanay na may taong tulad mo na papasok sa aking buhay
saglit lang na papawiin ang aking lumbay pagkatapos ay iiwan muli ang mundo ko ng walang kulay.
Sana’y di na lang umawit, para di na nabighani sa aking tinig
Nanatili na lamang sa magkabilang panig, nanatiling di magkakilala
Upang di makabuo ng ganitong ala-ala
Sana’y di nalang pinansin nung tinawag mo ang aking pangalan
Di pinansin at di ka nilapitan, nanatiling estranghero sa isa’t isa
Pero nangyari na at di ko na maibabalik pa
Pero sana’y di na lang talaga sinimulan, kung ganito kasakit ang magiging katapusan.
