Pero sino ka nga ba talaga?

Gustong-gusto na kitang makilala,

baka sakaling maalis ang pag-iisip sa taong umalis ng walang paalam.

Patawarin mo aking mahal.

Oo mahal, dalawa ang nasa aking isip

ikaw at siya

bakasakaling kayo ay iisa.

Ako’y nanahimik ngunit maingay ang aking isip

hindi mapigil kakaisip.

Ikaw nga ba ay siya?

Ilang beses nang gustong itigil ito

pero aking tanong,

Bakit hindi ka matanggal sa aking isip at puso?

Sumubok ng maraming bagay para ikaw ay malimutan.

Ako pa nga ay nag-aral tumugtog ng intrumento,

ngunit bakit ikaw pa rin ang naririnig sa ‘twing titipak sa piyano?

Nag-aral ding mag-sulat,

ngunit ikaw pa rin ang siyang sinusulatan.

Ikaw nga ba at siya ay iisa?

Ako’y tumigil ng saglit

Lumuhod at nanalangin

Nag-antay at nakinig sa dumisenyo ng pag-ibig

At aking narinig ang banayad nyang tinig,

dala-dala’y sagot sa aking tanong.

Ikaw nga ba at siya ay iisa?

Alam ko ikaw ay isang multo,

Ikaw pala ay isang misteryo.

Ako’y pinaasa

Pinuno pala ng pag-asa.

Akala ko na ikaw na

Siyang ikaw nga.

Akala ko’y maling paniniwala

tawag pala ay pananampalataya,

na ikaw at ako.

Sapagka’t marahil nahiwalay sa isa’t-isa  ng sandaling panahon

upang sa muling pagtatagpo makasama ka na sa habang panahon”

Ngayo’y aking naintindihan,

Tunay na ikaw nga ay siya – ang sagot sa ‘king panalangin.