Takot at pangamba
Duda sa sarili kung kaya ba
Kay bigat ihakbang ng mga paa
Bakit ba ang hirap sa una
Pinalampas na opportunidad
Takot ang namayagpag
Sarili ay nangungusap
Kaya ko bang mahulog sa butas
Multo ng kamalian
Syang aking kinatatakutan
Sa lantap na karagatan
Dun ko nais sumabay
Sa layo ng nilalakbay
Mahirap tahakin ang daan
Maraming ahas na nagmamanman
Kakayanin ko ba na matuklaw
Sa gitna ng madilim na karagatan
Nagpasyang makipagsapalaran
Sumama sa paglalakbay
Takot at pangamba ay iniwan
Sa aking paglalakbay
Isa sa aking natutunan
Hindi kailangan matakot sa buhay
Sya ay kasama mo saan man
Bawat tao na aking kasabay
May kanya kanyang kwento sa buhay
Kinapulutan ko ng aral
Sandata ko sa paglalakbay
Duda sa sarili, aking isinantabi
Tiwala sa sarili, yun ang aking itinabi
Sandatang hindi mawawaglit
Hindi maaagaw kahit isang saglit
Sa aming paglalayag
May araw na panatag
Bawat isa ay nagdidiriwang
Salamat sa biyaya ng buhay
Sa panahon ng kabagyuhan
Palakasan ng kalooban
Matira ang matibay
Maiiwan na ang sumuko sa buhay
Kasiyahan sa aming mga mata
Pagkatapos ng bagyo ay makikita
Kapag paraiso ay aming naiisip
Pananabik ay hindi maalis
Ang aming paglalakbay
Hindi pa wari kung hanggang kailan
Marami pang pagsubok sa buhay
Na dapat naming lagpasan
Ngunit isang mahalagang aral
Aking pinanghahawakan
Kapag marunong kang lumaban
Makakarating ka sa iyong pupuntahan
