Lagi nalang ganito
Puso’y nalilito
Tila laging hinahanap
mga haplos at yakap mo
Ilang paalam na ang binitawan
Mga mata’y lumalaban
Ngunit tila luha’y laging panalo
Kailan kaya iiwan ng lungkot at pangungulila?
Kung ano man ang totoo
Puso man ay nalilito
Handang harapin ang kabayaran ng sayo’y aking paglisan
Ang dating pagmamahalan ay kakalimutan
Ngunit bakit parang hindi ganon kadali?
Ito ang hiniling
Ang pakawalan ang isa’t isa
Ngunit bakit tila hindi napaghandaan
Ang pangungulilang haharapin?
Nakalimot na nga ba
Ang pusong napagod ng masaktan?
Nakalimot na nga ba
Ang pusong piniling magmahal ng iba?
Nakalimot na nga ba
Ang pusong iyo ng pinalaya?
Kung oo man ang sagot sa mga katanungan
Bakit puso’y tila nalulumbay?
Bakit puso’y tila nananabik na ika’y bumalik?
