Sa’kin mapapangasawa
Pasensya na, kung hindi ako sing gwapo ng nasa pelikula
Pero sana sapat na sayo yung kaya kitang mapatawa
Pasensya na, kung maliit yung pangangatawan ko
Pero sana sapat na sayo yung iinigatan ko ‘to
Dahil mahal ko ang sarili ko
Para mas kaya kong bigay sayo
Pasensya na, kung wala kong sasakyan
Pero sana sapat na sayo yung handa kita masundo kahit saan
Alam ko naman
mas masaya maglakad hawak ang kamay mo
Pero malay mo pagnabasa mo ‘to
Meron na ko
Pasensya na, kung minsan lang kita madala sa mamahalin restaurant
Pero magsabi ka lang handa kita paglutuan
Pasensya na, kung panget sulat ko
Pero sana sapat na sayo yung ikaw yung paksa ng tula ko
Pasensya na ,kung minsan madami kong ginagawa
Pero sana alam mong ikaw ang gusto kong kasama
‘Di ako makakalimot sabihan kang mahal kita kada umaga
Pasensya na, kung pasmado yung kamay ko
Pero sana sapat na sayo handa ko hawakan ang kamay mo
Hanggang pagtanda mo
Pasensya na, kung minsan magkakaroon tayo ng pagtatalo
Pero sana alam mo
handa kong patahimikin ang mundo
Makinig lamang sayo
Kaya para saking mapapangasawa
Pasensya na kung medjo matagal ang pagdating ko
Pero sana alam mo yung nararapat sayo!
