May napupusuan ka na ba?
Inalam mo na rin ba ang halos lahat ng tungkol sa kanya?
Mga hilig at ayaw nya
Mga kalakasan at kahinaan nya
Nakita mo ba na sya ay isang prinsesa?
Alam mo ba kung gaano nya inalagaan ang kanyang testimonya?
Kung sya ang laman ng iyong panalangin
Kung kay Bathala sya ang iyong hinaing
Dumaan ka sa tamang proseso
Manligaw ka ng hindi naaayon sa uso
Manligaw ka sa tamang paraan at huwag mu syang dadalhin sa madilim na lansangan
Na parang tinatago at di kayang panindigan
“When the process is right
The product is guaranteed”
At kung ikaw man ang tipo na walang lakas ng loob
Torpe sabi ng mundo
Hindi masabi ang nararamdaman sa taong nagugustuhan
Sasabihin ko sa’yo
Walang torpe sa lalaking nagmamal ng totoo
Lalo na kung tama ang iyong motibo.
Ipahayag mo ang iyong damdamin
Lalo na’t nasa edad kana para umamin.
Kung ikaw ay nag-aaral pa
Unahin mo muna ang maka-pagtapos
At magdasal muna sa ngayon
Huwag kang magmadali na parang bang ikaw ay nasa karera
Na para bang mauunahan ka ng iba
Mabuti ng maghintay sa sigurado
Kesa magmadali at mapunta sa maling tao.
