Sinusubukan mong hawakan
Ang aking mga kamay
Sa panahon na ako ay nasa dilim
Habang ang damdami’y kinikimkim
Sapagkat dapat itong ilihim
Nang minsa’y iyong hagkan
Nawala lahat ng aking lumbay
Pero kahit na aking aminin
Alam kong ito’y hindi para sakin
Kaya ibinulong nalang lahat sa hangin
Sabay natin tingnan ang kalawakan
Kapag kailangan natin ng karamay
Sabi mo…damhin ko ang bawat pagtingin sa mga bituwin
Sabi mo…ang buwan ang maglalapit sa atin
Sabi mo ako ay iyong hihintayin
Lahat naman ay may kawakasan
Masakit pa rin nang ang sati’y madamay
Magawa ko man na ikaw ay hintayin
Umaasa man na sa huli ako parin
Ang matalik na kaibigan na iyong hanapin
Titingin muli sa langit at aasang ako ay muli mong marinig. Umaasa na tayo’y muling pagtatagpuin.
