“Hanggang ngayon
Patuloy ang pag-ikot
Mga katanungang wala pa ring sagot”
(Ikaw by Autotelic)
Hanggang ngayon, ikaw pa rin.
Sa ‘twing nagtatama ang mga mata, nagbabalik ang mga ala-ala
‘Pag nasasalubong kita, bumabagal ang mundo
na tila tayo’y nasa isang pelikula
Ramdam mo rin ba?
Ang pagtibok ng puso para sa’yo?
Sa’twing ika’y nakikita, ako pa rin ay natataranta
Nakakatawa.
Pero mukhang malabo na
Kasi meron ka ng iba
Ako lang ba ang nakakaramdam ng paghila ng damdamin?
Siguro ako lang nga.
Sa simula pa lang naman ako lang ang nahulog
Ilang taon na ba?
Dalawang taon na ang nakakalipas
pero ang damdamin ko ay tila ‘di nag-iba
Gusto ko nang lumakad papalayo,
ngunit tayo’y muling pinagtagpo.
Hanggang kailan kita mamahalin?
