Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Kung pag-ibig ang pag-uusapan
Parang napakarami na naging kasulatan
Mapa-libro man o post sa social media
While you are busy reading this article, try mo rin makinig sa episode namin:
Usapang puso’y patok sa takilya.
May mga pagkakataong mapapaisip at matutula
Dahil sa mga katagang makikita’t mababasa
Na parang bang tumatatak at hindi maalis isipan
At tatagos sa kasalukuyang nararamdaman.
Sa bawat salita ay may kuwento
Sa bawat linya ay may patotoo
Na ang pag-ibig ay may happily ever after
Ngunit mayroon ding hindi meant to be together.
Maging masaya kayo kung natagpuan niyo na
Ang hinahanap ng puso sa isa’t isa
Sa dami ba naman ng tao at problema sa mundo
Hindi ito naging hadlang para magkita kayo.
Sa mga nagmahal, nasaktan at iniwan
Iyan naman ay ibang usapan
May pagmamahal na ‘di nasusuklian
May iba namang patuloy na nagbubulagbulagan.
Sadyang mahirap tanggapin ang katotohanan
Na may mga bagay na hanggang doon na lang
Alam mong binigay mo naman lahat
Pero sa kanya’y hindi ito naging sapat.
Hindi lahat ng gusto ay makukuha mo
Lalo na kung ni minsan ay hindi naging sa’yo
Hindi rin sa lahat ng kuwento’y ikaw ang bida
Minsan sa mata ng iba ikaw ang masama.
Mahirap pero kailangan mong tumayo
Sa gitna ng iyong pagpaparaya at sakripisyo
Pero hindi rito nagtatapos ang kuwento
Kung magpapatuloy ka para sa magandang pagbabago.
Huwag magmadali dahil hindi ito contest
Kung sino na ang nakarami o ang fastest
Dahil hindi dahilan ang walang karelasyon
Para maging baluktot ang iyong mga desisyon.
Nariyan ang Diyos at ang iyong pamilya
Pati mga tunay na kaibigan sa lungkot at saya
Kaya ipagpatuloy mo ang iyong kuwento
At maniwalang maraming makabuluhang mangyayari sa’yo.
Panahon na upang mahalin muli ang iyong sarili
Patuloy kang magdasal at lumaban dahil hindi pa huli
Marami kang dahilan upang maging masaya
Kaya ngumiti at magsimula ng bagong kabanata.
