Tara na sa bahagharing kay ganda
Kasabay ng kislap ng iyong mata
Mga ngiting di alintana
Hiling kong makita sana
Halimuyak na iyong dala
Sa akin ay nagpapangulila
Tamis ng iyong tinig
Labis kong iniibig
Giliw ako’y ilagay sa iyong isipan
Kaagapay sa kahirapan
Pagkat ikaw man ay lilisan
Magtatagpo pa rin kinabukasan
Isang banayad na panalangin
Aking laging sasambitin
Sa iyo’y ipagkaloob itong dinidingin
Wagas na pagmamahal ng Diyos na mahabagin
Kay Hesus aking sasambitin
Na ika’y lagi nyang mamahalin
Hihingin kay Birheng Maria
Na kailanma’y di ka mangulila
Sana’y lagi mong madama
Sa tuwing ika’y nag iisa
Yakap nilang kay Tamis at Ganda
Di mawawala itong pagsinta
Kailanma’y sa puso at diwa
Sumasaiyo itong magandang gunita
