Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Dulo’t simula
Naalala ko pa nung una kitang nakita
Ako’y walang ideya na ikaw ang aking gustong makasama
Bata palang tayo noon, ng ika’y unang makausap
Pero ang puso’y di maitago ang saya kapag ikaw ang kausap
Nakakatawa dahil sa batang walang kamuwang muwang sa pagibig
Ay hindi akalain na siya’y iibig
Ngunit yung bata na umibig, ay kailan ma’y hindi nagsisi
Hindi nagsisi na ikaw ang aking unang minahal
Na ikaw ang una kong pinili makasama habang buhay
At mas lalong hindi ako magsisi na ikaw ang huling pipiliin na mahalin at makasama habang buhay.
Oo bata pa ako noon, pero hanggang ngayon ikaw pa rin ang pinipili ko.
Pinipili sa lahat ng sulok ng buhay ko
Pinipili sa lahat ng oras at pagkakataon
Ay teka, oo ikaw lang ang pinipili ko ngayon, bukas at kailanman
Ikaw ang nagiisang daan na lagi kong gustong puntahan
Mga ngiti mo’y walang kasing kulay
Mga tawa mo’y walang kapantay
Magka-amnesia man, puso ko’y sayo magpakailanman
Ikaw lamang ang aking magiging dulo’t simula.
