Disclaimer: The views and opinions expressed in this article are those of the authors and do not necessarily reflect the official position of Boiling Waters PH.

Hihintayin kita.

 

Hihintayin kita?

 

Tanong, kung kaya bang panindigan

Dalawang salitang

Ang hirap gawin man lang.

 

Maghihintay ako.

Habang nadudurog mo.

 

Oo, Maghihintay ako.

Kahit natatapakan pagkababae ko.

 

Subalit hanggang saan makakayanan

Ang sitwasyong may halong panloloko?

Panloloko sa sarili ko

Kahit alam ko nang, hindi ako, ang tinitibok ng puso mo.

 

Nagugunita ko pa nga binitiwan mong salita

Salitang Di ko mawari para saan

Sinabi mo lang ba yon

Upang Di ako masaktan? O para malaya kang makipaglandian saan-saan.

Sabi mo, sa tamang oras dapat natin simulan

Relasyong “ikaw at ako”.

 

Ngayon ko napagtanto

Maghihintay pa ba ako?

Kung ang dating ako,

sa istoryang sinimula’t iniwan mo,

Kung ang AKO,

sa istoryang TAYO,

Ay Siya, ang ipinalit mo.

Siya na kasa-kasama mong naglalampungan sa daan

Kahit alam mong

nasa likod niyo lang ako

Pero bakit ako? Sa daan, Di mo man lang ako kayang matitigan.

 

Oo nga pala, sinabi mo pala

Noong Isang gabi

Na Sariwa parin sa aking alaala.

 

Isang gabi na kayo ay masayang dalawa

Hawak-hawak mo kamay niya

At sinabi ang mga pamilyar na katagang,

Sa akin iyo rin sinabi noong una

Salitang, “Mahal Kita!”

 

Ngayon mo sagutin

Tanong na dapat noon pa’y May kasagutan na

Tanong na dapat siguro’y sa simula tinuldukan ko na.

 

Dalawang salita, Isang tanong

May sagot ngunit ang hirap magdesisyon

Hihintayin pa ba kita?

Kahit may iba kana?

 

Maghihintay pa ba?

Sapagkat may nararamdaman pa?

 

O sapat na lahat ng katangahan noong una?

Baka nga dapat siguro akoy sumuko na.

Ako’y sumusuko na pero bakit ganon?

MAHAL PA DIN KITA.