Mahal, maraming salamat sa pagdating sa aking buhay.
Hindi ko akalain na mapapasaya mo ako nang ganito.
Naging masigla muli ang puso kong matamlay.
Dahil napasaya mo ulit ang buhay ko.
Sa tuwing pupunta ako sa inyo,
Hindi ko dama ang isang oras na biyahe ko,
Ang dami na nating ala-ala na nagawa,
Sa komportableng tahanan n’yo.
Sa tuwing tititigan ko ang iyong mga mata,
Masasabi ko talaga na ang mga tala ay bumaba.
Ang iyong mga ngiti ay napakaganda,
Ang buwan ay kaharap ko na yata.
Ang masasabi ko lang ay maraming salamat,
Maraming salamat sa iyong pagdating,
Kahit hindi naging tayo,
Sana ang mga pangarap mo ay iyong tuparin.
