Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Ang gulo ng ating gobyerno,
Ang bise at Pangulo ay palaging nagtatalo,
Mga batas na hindi maipasa sa senado,
While you are busy reading this article, try mo rin makinig sa episode namin:
Ang hindi masolusyunan na problema trapiko,
Mga taong namamatay kakatrabaho,
Bakit nagkaganito ang bayang sinilangan ko?
Ang gulo ng ating bansa,
Mga politikong sa pagtulong ay nagsawa,
Ang mga batang salat at kawawa,
Mga matatandang naiwan at walang magawa,
Ang mga kalsada na pag umulan ay naglalawa,
Ayusin ang Pilipinas mahabag nyo na at maawa.
Ang gulo ng ating lipunan,
Ang mga problema at mali na ayaw pag-usapan,
Ang mga pananiniwala na peke at walang basehan,
Ang ating mga lupain na ayaw man lang protektahan,
Ang bansang ginawang isang malaking tambayan,
Talaga bang pagiging mahirap na ang ating kapalaran?
Ang gulo ng aking isipan,
Mga tanong na kung ituring ng iba ay makasalanan,
Ang mga laman na hindi sang-ayon sa opinyon ng karamihan,
Ang mga sagot na nais kong hanapan ng dahilan,
Ng mga solusyon at aksyon na agaran,
Na hindi kayang gawin o hanapin ng ating pamahalaan.
