Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Mahirap talagang kalimutan
Kung nakatali ka pa sa nakaraan
Pilit mang iwasan
While you are busy reading this article, try mo rin makinig sa episode namin:
Tadhana ang gumagawa ng paraan
Di sinasadya, nagkita tayo
Di ko batid ngunit yung puso ko
Napatalon bigla sa tuwa
Namiss ata kita
Binati kita
“Hi,” sabi ko
Tumingin ka sakin
Pero agad akong umiwas ng tingin
Oo umiwas ako
Baka kasi bumalik na naman
At tama, heto na nga
Yung feelings ko para sayo
Na sinubukan kong ibaon
Kumakatok na naman
May tinanong ako
At sumagot ka
Kung ano man yung sinabi mo’y
Di ko na maalala
Pero yung boses mo
Yung pamilyar na boses mo
Pero medyo mas malumanay
Pumalakpak yung tenga ko
Namiss ko rin yung boses mo
Kagya’t akong umalis
At hindi na nagpaalam pa
Parang di ko pa kaya
Na masyado kang kausapin
Di ko pa rin kaya
Na masyadong tumingin
Pero naramdaman ko na
Heto na
Bumabalik na ulit sya
Di ko pa ata nasabi sayo ito
Pero kanina ang gwapo mo sa paningin ko
Bagay sayo yung damit mo
Muntik na nga kitang lapitan
Buti napigilan ko yung sarili ko
Baka kasi magsisi lang ako
Hay nako naman
Ang hirap mag move on
Pano ba naman, nariyan ka pa
Nakikita
Nakakausap
Naiisip
Ano ba, bakit ganito ang puso ko
Di ko maturuan na kalimutan ka
Kasi dapat ko na talagang tigilan ito
Unti unti ko nang nagagawa
Pero napupunta sa wala
Kasi naman bigla kang nagpapakita
Yung puso ko
Ikaw pa rin ang tinitibok
Di ko na alam ang gagawin
Alam mo ba ‘tong nararamdaman ko?
Oo gusto kita
Di ko alam kung gusto mo rin ba ako
Wala ka kasing sinasabi
Kaya ayun inisip ko na lang na wala nga
At patuloy na sinasaktan ang sarili
Inisip ko na sinayang ko lang feelings ko
Kasi nagkagusto ako sayo at ikaw saki’y hindi
Kaya pilit kitang kinalimutan
Pero ang hirap
Di ko kaya
Di talaga
Ang lakas ng tama ko
Ang galing mo
Ano bang ginawa mo sakin?
Ang hirap na hindi ka mahalin
Kahit hindi dapat
Kasi walang kasiguraduhan
Pilit akong kumakapit sa kawalan
Kaya naman
Tulungan mo naman ako
Para matigil na tong paghihirap ko
Sabihin mo na
Kung gusto mo ba ako
Kung hindi man ang sagot mo’y okay lang
Basta’t malinaw
At para tuluyan na nga akong makabitaw
Kasi hanggang ngayon
Masakit mang aminin pero
Sa puso ko, ang tinitibok nito’y
Ikaw, ikaw pa rin
