kakalimutan ko na naging magkaibigan tayo
mananatili sa mga alaalang muntik nang may ‘tayo’
mga panahong lagi mo akong niyayaya
sa kwentuhan, kainan at pag-gala
tumalon sa konklusyong may pag-asa
abot langit ang saya sa twina
di binigyang konsiderasyon ang eksena
kaibigan lang pala ang tema
bakit kasi sa dami ng tao sa likod ng kurtina
napili mong kaibiganin ay ako pa
mag-lalakad tayo na tayo lang dalawa
magkwekwentuhan sa ilalim ng mga tala
ganyan ka siguro sa lahat
nagkamali akong bigyan kahulugan bawat indak
kakalimutan ko na lang ang lahat
sa panaginip at alaala ako’y susulyap
