Paano ko nga ba ipaglalaban ang pag-ibig
Kung sa una pa lang ay alam ko na hindi na pwedeng umibig
Paano ko nga ba ipagpatuloy ang nabuong relasyon
Kung takot at sakit lang naman ang dulot na emosyon
Totoo nga rin naman sila, mapag biro talaga ang tadhana
Kung sino pa ang hindi dapat mahalin
Siya pa itong pilit na itinitibok ng puso’t damdamin
Tunay ngang mahirap umibig sa maling pag kakataon
Magmahal sa taong hindi tinadhana sayo ng Panginoon
Oo, mahal kita, mahal mo ako?
Patanong iyan, dahil hindi ako sigurado
Gustohin ko man maging tayo, pero paano?
Hanggang kailan kailangang itago?
Pagmamahalang wagas sayo ngunit bilanggo
Mismong damdamin natin hindi mag katugma
Ipaglaban ang pagmamahal hindi magawa
Sabi ko sa sarili ko kaya natin to
Lalaban ako hanggat makakaya ko
Manaig lang ang pag ibig na ating binuo
Pero napakahirap pala
Kung ako lang ang may gusto
Napakahirap umibig
Kung ayaw sayo ng tao
Kaya ngayon pa lang siguro ihahanda ko na ang sarili ko
Sa sakit na maaring dulot nito
Kaya Kung ang tanging paraan ay magparaya
Kung ang lahat ng mali ay magiging tama
Masasaktan man tayo sa ngayon
Naniniwala ako na may tamang panahon
At sana sa panahon na yan
Kaya na kitang ipaglaban
Yung lumalaban kana
Yung tayo nang dalawa
Sa ngayon paalam muna
Sapagkat, pinagtagpo lang
Pero hindi pa tinadhana
