Mula sa sulok
Sa pagaakala na walang nakaaabot
Nakikita ka
Mula sa tahimik
Sa paniniwalang walang nakakaalam
Naririnig ka
Mula sa malayo
Sa pakiramdam na hindi matanto
Niyayakap ka
Mula doon, patungo dito
Mula wala, umabot sa oo
Mula sa pero, naglakas loob sa sumubok tayo
Mula sa takot, tinuruan maging matapang
Mula sa tanong, tiwala ang hinayaan
Mula sakin papunta sa Kanya
Mula sa pangamba ng siguro
Parito na sa tapang ng sigurado
