Salamat..
Salamat sa iyong oras
Salamat sa lahat
Ako’y naging bulag sa hangin, tila alipin sa ‘yong mga bisig
Hinagkan ko ang larawang ako lang ang gumuhit
Ngunit umihip na ang hangin, at ako’y ginising
Kasama ang pahina, ngayo’y isasara na
Salamat kay Bathala
Ako’y malaya na
Malaya, sa’king maling akala
Ngayo’y natanaw ko na ang isang larawang..
Sariling bisig ang aking yakap
Tanging mata ko lang ang sayo’y nakasulyap
Ngayo’y may ngiti na sa aking labi, si Bathala ang sanhi
Dalangin ko’y sayo rin ang ngiti na Siya ang sanhi
Dahil sa bawat sandali, tunay man o kathang isip, ikaw sa aki’y nagbigay ngiti
Kaya’t sa aking pagsara ng pahina,
Paalam. Salamat.
