PINIPILI

Mananatiling IKAW at AKO ang dapat na TAYO.

76

Disclaimer: The views and opinions expressed in this article are those of the authors and do not necessarily reflect the official position of Boiling Waters PH.

Ikaw ang nasa isip buong araw.
Ikaw ang nakikita nitong balintataw.
Parating binabalikan ang ating alaala;
Ikaw at ako hanggang mag-umaga.

Ang bawat tibok ay napakabilis
ngunit ang puso’y ginigiyagis.
Ika’y hahayaang lumayo’t tumalilis
kahit pa ibig kong tayo’y magbigkis.

Kahit pa mahal kita…
Kung hindi tama ay ayaw ko na;
Kung ang bunga’y pagkakasala;
Magtitiis na ikaw ay mawala.

While you are busy reading this article, try mo rin makinig sa episode namin:


Kung paano matatapos ay hindi ko alam.
Ang pagtingin sa iyong walang katiyakan.
Pamimintuhong lubhang natatangi;
Sa iyo lamang ang puso’y muling ngumiti.

Pag-ibig man nati’y hindi nagwagi;
Ang ating kwento ay mamamalagi.
May simula ngunit walang huli,
pagkat walang katapusan kitang pinipili.

Send me the best BW Tampal!

* indicates required