Disclaimer: The views and opinions expressed in this article are those of the authors and do not necessarily reflect the official position of Boiling Waters PH.

Ilang beses kong sinubukan, maniwala ka lahat ng dahilan inisip ko na

Lahat ng sakit, luha at mga sandali na sinabi kong tapos na, tama na!

Pero kulang pa din ang dahilan, hindi pa din sapat ang mga rason

While you are busy reading this article, try mo rin makinig sa episode namin:


Para kalimutan ka, para sa wakas makawala na ako sa mga alaala…

Isa, dalawa… tatlo, hanggang kailan pa, hanggang saan pa aabot?

Isang dahilan laban sa lahat ng rason para sukuan ka,

Iisang sagot lang, sa lahat ng tanong sa isipan ko,

Isang ikaw lang ang hindi makalimutan ng puso ko,

At laging umiikot sa isip ko, sa mga panaginip ko, sa mga alaala ko

Sapat na ba na hanggang dito na lang tayo, at paalam na?

Sapat na ba na nasaktan tayo kaya susuko na?

Sapat na ba na hindi na tayo sigurado kaya hihinto na?

Sapat na ba ang mga rason ko at dahilan mo para sa wakas, maghiwalay na?

Sapat na ba ang mga luha para masasabing sapat na!

Sa kabila ng libo-libong kadahilan na meron ako,

Bakit may iisang dahilan ang nagpapanatili sa akin para maniwalang meron pang ‘TAYO’?

Bakit hindi naging sapat ang lahat para bumitaw nalang, at ng lumaya na?

Oo, isang dahilan lang ang meron ako para manatili… ito ba ay sapat na?

Para piliin kong maniwala, piliin kong maghintay hanggang sa bumalik ka…

Sinta, sapat kana!

 

Send me the best BW Tampal!

* indicates required