Alam kong darating ako sa puntong makakausad din ako sa ating kwento.
Paulit ulit na lumalaban araw araw pero hindi ko namamalayan, hindi na pala kita mahal
Unti unting nabubura ang mga alaala kasabay ng panalangin na gusto na kitang makalimutan
Siguro nga matagal, mahabang proseso ang kailangang pagdaanan pero pag dumating ka na sa puntong ‘to ng buhay mo
Mas mamahalin mo kung sinong umalalay, gumabay at sumalo sa pira piraso mong puso
Salamat sa saglit na pananatili at tuluyang pag alis
Ang sarap sa pakiramdam na malaya na ako
Ngayon masasabi ko na ng diretso sa mga mata mo,
Na hindi ako para sayo
Nang walang halong pagkalungot at sakit
Dahil alam kong mas may hihigit pa sa pagmamahal na ibinahagi mo sa akin
Bawat piraso ng aking puso ay may madugong kwento
At sa muling pagbuo nito
Isang kwentong ini-akda ng Maykapal ang kailanma’y mananatili rito
Ngayon, isa ka na lang alaala na kailanma’y hindi na pwedeng balikan
Salamat sa lahat pati sa iyong paglisan.
