Pinagtagpo ng orasan
dalawang mga puso
Sa panahon na di alam
at malapit ng sumuko
Mga tanong sa isipan
masagot ba ng orasan
bakit nga ba pinagtagpo
sa panahon na di alam
Lumakad at mangusap
lumaban ng mag isa
mangaral at umibig
ng hindi nababalisa
Sa malalim na salitang
hinuhulog ang puso
mga kamay ng orasan
tumutulak palayo
Unti unting naglaho
segundong pag suyo
mga araw at buwan
ni hindi mag tagpo
Sa pag ikot ng oras
patakbong lumayo
hindi napantayan
tibok ng oras at puso
