Ang sarap maging lasing
Sa bawat paglagok inaasam na sana ang puso ko ay gumaling
Ang sarap maging lasing
dahil ito lang ang paraan para ako ay makatulog ng mahimbing
Buhat ng mabigat kong damdamin
Mga salitang hindi ko masambit kapag ikaw ay kapiling.
Grabe
Ang sarap lang talagang maging lasing.
Alam mo yung nakakapraning?
Isipin ko palang na sasabihin ko na ba to lahat?
O mag aabang nalamang ng tamang pagkakataon para maging maayos ang magagawa kong kalat
Eto na… Handa ka na ba?
Eto na… Sana wag kang mabibigla.
Na kailangan ko pang manghiram ng lakas ng loob sa alak para lang sayo ay mabuo ang balak.
Mahal kita.
Sobra sobra.
Kaso…
Parang hangin lang ang salita kong nais na pumukaw ng damdamin mo.
Kaya wag kang mag alala.
Ngayon palang pasensya ka na.
Sa darating na kinaumagahan at tanungin mo man ako.
Pasensya ka na.
Lasing lang ako nun.
Grabe ang sarap lang talaga maging lasing.
Daan to upang maagapan ang sakit ng pagka dismaya sa resulta na alam kong sa una palang hindi ko na kaya.
Lasing lang ako nun.
