Hindi ko na lubos mabilang
Mga araw na nagdaan
Alam ko lamang ito ay lumipas
Ni isang saglit walang pag-usap
Mata’y tila ba’y may hinahanap
Nagtatanong, at nangungusap
Mali bang ako’y magdamdam?
Kung ako sa iyo’y nasasabik lang naman
Ngunit ngayong araw
Tila ba ay nag-iba
Bumalik tayo na parang gaya lamang sa umpisa
Ako’y napalingon
At ikaw ay tumugon
Tanda ko na lamang
Ikaw ngang muli ito
Ikaw pa rin, Mahal ko
Tuwa ay walang paglagyan
Kahit pa batid kong ito’y panandalian lamang
Sa mga sandaling ito
Isa lamang ang hiling ko
Kung pwede nga lang, wag ng matapos to
Nais ko sanang makita palagi
Magandang tanawin
Ikaw, na nakatitig sakin
