Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Hanggang sa maging tama na ang pagkakataon,
Hanggang sa hindi na natin kailangan ipaglaban ang ilang minutong kwentuhan
While you are busy reading this article, try mo rin makinig sa episode namin:
Mahal, alam kong mahirap at masakit
Walang kasiguraduhan ang lalakaran nating daan
Ni hindi natin masasabi kung anong kahihinatnan
Pero sa tingin ko, mas kakayanin ko na lumayo
Kung kapalit nito’y maisasaktuparan ng Diyos ang Kanyang plano
Alam ko na hindi ko kayang pagkatiwalaan ‘yong mga sinabi mo,
Maging ang kasalukuyan kong nararamdaman ay hindi ko natitiyak
Ngunit, alam kong sa plano at pag-ibig Niya
Hinding hindi tayo mabibigo
Dalangin ko na ingatan mo ang sarili mo
Sa pagbibisyo nawa ay hindi malugmok
Hangad ko ang ganap na kagalingan at pagkabuo ng iyong pagkatao
Magpapaalam ako, hindi dahil wala na akong pagmamahal
Magpapaalam ako dahil alam kong hindi ako ang siyang magpupuno sa bawat kulang
Magpapaalam ako dahil ‘yon ang kailangan Mahal, sana sa panahong buo na tayo pareho
Sana sa oras na maging handa na tayo
Sana, ikaw at ako pa rin Ang tibok ng ating mga puso
Na sa mahabang panahon Ay pinagingatan Niya sa Kanyang pinakamainam na plano
