Disclaimer: The views and opinions expressed in this article are those of the authors and do not necessarily reflect the official position of Boiling Waters PH.

Mali ba ang gustuhing makasama ka?

Na sana tuwing didilat ang aking mga mata

Sa pagising ko bawat umaga

While you are busy reading this article, try mo rin makinig sa episode namin:


Ikaw ang una kong makikita?

Mali ba ang gustuhing makasama ka?

Na sana tuwing malamig ang ihip ng hangin sa gabi

Ang iyong yakap ang magiging kapiling

Hanggang sa ako ay makatulog ng mahimbing?

Mali ba ang gustuhing makasama ka?

Na sana tuwing parang pasan ko ang mundong mag-isa

Ang iyong mga kamay ang kaagapay

Mahawakan ito na tila ba nariyan ka lang panghabangbuhay?

Mali ba ang gustuhing makasama ka?

Na sana tuwing pagod ako galing trabaho

Makausap ka lang at makapiling ka sa hapagkainan

May isang tao lang ako na pwede kong sandalan?

Mali ba ang gustuhing makasama ka?

Dahil ikaw lang ang hinahanap na siyang kulang

Upang mabigyan ng magandang ngiti

Itong nangungulila kong mga labi.

Mali ba ang gustuhing makasama ka?

Dahil iba pa rin talaga na nariyan ka

Hawak hawak, Akap akap,

Kakulitan, kahati sa kasiyahan.

Mali ba ang gustuhing makasama ka?

Wala naman akong kasalanan diba?

Nagmamahal lang naman ako at nangungulila

Taimtim na humihiling sa mga tala.

Mali ba talaga ang gustuhing makasama ka?

Dahil mahal lang naman kita.

Mali ba ang gustuhing makasama ka?

Mali ba?

Send me the best BW Tampal!

* indicates required