Ipinagtagpo pero hindi itinadhana, pwedeng ipaglaban pero hindi pwedeng ipagpilitan.
Ipinagtagpo tayo sa panahon na hindi nakalaan para sa atin. Ilang beses subukang ipaglaban ngunit nagkakaroon lang ng pagitan. Maling panahon nga ba? o hindi lang talaga tayo para sa isa’t isa? Hindi pumapayag ang tadhana kahit na isang kunwari. Gusto kita pero tadhana na ang dumidikta, nilalayo na tayo kahit anong lapit natin sa isa’t isa. Tila isang karera na hindi alam kung ano ang kahahantungan.
Pinipilit sa sakaling meron, tila isang parallel na linya nagtatagpo pero hindi pwedeng magsama.
Kung tadhana na ang pumagitan, kahit ang pwede ay hindi maari.
