Ang inconsistent ng tao.
Minsan sa mga nabitawan mong salita, alin dun ang natupad?
Sa hirap at ginhawa, sa lungkot at ligaya pero nasaan ka ba talaga?
Kapag ba hindi na masaya, ayawan na lang? Parang hindi yata ito ang sagot.
Kaya siguro ang hirap mangako sa simula dahil minsan hanggang sa una lang talaga.
Hindi masamang mangarap. Ang masama ay ang intensyon mong itulak pababa ang pangarap ng iba.
Lalong hindi rin masamang maging matamis sa pag ibig, kung wari’y alam mong ika’y minamahal at ipinangangadalakan sa harap ng lahat ng taong wari’y masaya para sa iyo.

Hindi mo na lang dapat itinakwil.
Hindi mo na lang sana pinansin ang lahat ng mga bagay na masama.
Hindi ka lang marunong mag hintay.
O baka hindi mo talaga nakikitang sapat ang taong nagpakilala sayo bilang estranghero at naging kaibigan at mas higit pa roon.

Hindi lahat ng ugali ay maayos siya kaya tandaan mo. Walang perpektong tao sa mundo.

Ingatan mo yung taong pinangakuan mo at magkaroon ka nawa ng isang salita. Kapag nangako ka, siguraduhin mong posible mong tuparin ito at lumiban ka sa pagsuko.

Mahal ka na nga, magdedemanda ka pa. Hindi mangmang at manghuhula ang kasama mo. May kahinaan at kalakasan din yan. Ginusto mo yan kaya wag mong itakwil.

 

“Hayaan mo munang isulat kita, bago kita tuluyang isuko.” “Hanggang kailan mo hindi mamahalin ang taong walang ginawa kundi mahalin ka?” “Bago ka sumuko, subukan mo muna. wala namang masamang sumubok sa mga pagkakataong magmamahal.” “Mahirap magsimula kung dulo ang sisimulan. Hindi laging nasusunod ang mga kasabihan kaya subukan mo.” Ilan lamang yan sa mga naisulat nyang salita. Nagsusulat sya bilang isa sa mga nakararanas ng sakit at nagdadala ng sakit ng iba. Nagsusulat rin sya bilang isa sa mga nakakaranas ng saya. Kaya dalawang mukha ng Pag-ibig ang pamagat dahil sa paborito nya ang bandang Sugarfree, Rivermaya at ang mga tumiwalag sa banda na pawang mga bokalista na sina Ebe Dancel, Rico Blanco at Francisco “Bamboo” Mañalac at hindi rin maikakaila na ang mga isinulat nya ay ukol sa masaya at malungkot sa dala ng pag-ibig. Talagang nagdirigma para sa pag-ibig. Talagang tipong “World within the world” ang hilig nya dahil sadyang mapagmahal sya. siya si Jape /dya-pe/ (Jasper Ace PE), isang 22-anyos na lalaking may hilig sa patagong pagsulat. Isa syang graduate ng Batsilyer sa Komunikasyong Pangmasa. Isa sya sa mga nangongolekta ng mga award sa pang-akademikong aspeto at iba pa noon at ngayo'y nagtatrabaho sa pamantasan na kanyang pinasukan noong kolehiyo. Kaunti lamang ang nakakaalam ng mga isinusulat niya. Mahilig siya sa pagbabasa minsan, sa potograpiya, pag-eedit, bidyograpiya at syempre hindi sya sumusuko na maging guro. Hindi sya palatawa. Tahimik siya. Ngunit kapag siya'y nakilala mo sa personal, tunay syang masaya at nakangiting kikilala sa iyo. Marami lang syang hinaing sa buhay. Marami syang pasakit. Hindi nya ipapakita ito sa personal ng gasyano ngunit kung papansinin, talagang masaya ang makikita mo sa kanya. Nafeature noong 2016 sa betsin-art parasite ang kanyang isinulat na “Tiwala Patungo Sayo”