Multo ka ba?
Kasi puro ka lang paramdam
Pwede bang magplano ka naman?
At nang ako’y di naguguluhan
Multo ka ba?
Kasi bigla ka lang nagpapakita,
Nagpapakita ng motibong interesado ka.
Pero bakit sa isang kisapmata, naglaho na parang bula.
Multo ka ba?
Kasi ako’y natatakot,
Natatakot na lalong mahulog ng tuluyan
Tapos sa huli, di naman kayang panindigan.
Multo ka ba?
Kasi bigla kang sumusulpot,
Sumusulpot sa aking diwa’t isipan
Nakakalungkot lang, sa huli bigla kang nang-iwan
Multo ka nga,
Na hanggang paramdam lang,
Walang pulidong plano para ako’y panghawakan
Sana’y tuluyan ka ng lumisan
At nang itong puso ko’y meron ng kapayapaan.
Paalam, nawa’y mamahinga ka na ng tuluyan.
