Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Mahal ko, kumusta ka na?
Nandyan pa ba ang mga ngiti mong kay tagal ko nang ‘di nakikita?
Ang mga tawa mong kay sarap pakinggan sa tenga?
While you are busy reading this article, try mo rin makinig sa episode namin:
Mga kwentuhan nating walang humpay ang saya?
Mga reklamo sa buhay na tila ba kayang maresolba?
Mahal ko, kumusta ka na?
Kumusta na ang mga ala-ala?
Alaalang tila ba nilimot na,
Na pilit kong binubuo sa mga larawang nasa akin pa
Mahal ko, natatandaan mo pa ba?
Mga panahong lagi tayong magkasama
Mga panahong akala ko pareho ang tugtog na sinasayaw nating dalawa
Ngunit ako lang palang mag-isa ang pilit na sumasayaw sa nota
Mahal ko, ititigil ko na.
Ititigil ko na ang pag-indak
Sa musikang aking kinasanayan na
Musikang nilikha lang pala ng aking diwa
HIndi ako matatakot sumubok muli
Dahil naniniwalang sa muling pag-indak sa saliw ng musika ng pag-ibig
May taong hahawak sa aking kamay
Sasabay sa saliw ng pusong may isang ritmong tinitibok
At patuloy na magsasabing,
Mahal kita oh giliw ko.
