Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Kung ako ay marunong
Maglapat ng himig
Sa’yo aking sinta
Mag-aalay ng awit
Kung ako ay magaling
Sana sa pagkanta
Ika’y aawitan
Sa gabi at umaga
While you are busy reading this article, try mo rin makinig sa episode namin:
Ganun pa man narito
Tula ng pagsinta
At pasasalamat
Na kilala na kita
Ginoo ng buhay ko
Tugon sa aking dasal
Ang iyong pagdating
Regalo ng Maykapal
Labis ang paghanga ko
Sa’yong katatagan
Kaya mong pigilin
Tawag ng iyong laman
Gusto ko rin ang iyong
Pagtiya-tiyaga sa’kin
‘Di nag-atubiling
Puso ko ay sungkitin
Minsan naiisip ko
Anong meron sa’kin
Bakit sa akin ka
Nag-alay ng pagtingin?
Ngunit pinatunayan
Ng ‘yong mga kilos
Ang iyong sinabing
Ako’y mahal mong lubos
Masarap kang kasama
Aking kaibigan
Tunay at mabait
Aking masasandalan
Kaya wala ng iba
Ikaw lang, mahal ko
Sasabihin ko na
Buhay ko’y iyong-iyo
Lagi mo nang karamay
Sa lungkot at saya
Sa ‘yong paglalakbay
Gusto kong samahan ka
Kaya sa tulong ng Diyos
Ika’y mamahalin
Ibabalik sa’yo
Ang alay mong pagtingin
Minamahal na kita
At niri-respeto
Salamat sa lahat
Ng mga ginawa mo
Siguro alam mo na
Ang patutunguhan
Ng tula na ito
Na tila walang hanggan
Ibibigay na sa’yo
Ang gustong marinig
Oo na, iyo na
Puso ko at pag-ibig
