Nagsimula ang lahat sa isang kanta
Sa kung paano nabalot ang puso ng saya
While you are busy reading this article, try mo rin makinig sa episode namin:
Saya na dulot ng himig ng iyong musika
At hinaplos ang puso sa bawat bagsak ng letra
Sabay sa iyong awit, ang boses mo’y mapang-akit
Nabighani sa damdaming ibinubuhos sa bawat titik
Ibig na ninanamnam habang mata’y nakapikit
Ramdam ang nais mo sa aming ipabatid
Sa iyong liriko damdami’y pinupukaw
Damang – dama ang pag – ibig mong umaapaw
Sa bawat pagtipa ng gitara’y dinadala
Iginigiya sa kanlungang para sa’tin lamang dal’wa
Ang iyong awit sana ay wag nang matapos
Saya sa puso’y ayaw nang matupok
Huwag nang lumisan sa nilikha nating mundo
Kung saan ika’y para sa’kin, at ako’y sa iyo
Subalit sadyang lahat ay may katapusan
Sa bawat pagtatapos ako’y nasasaktan
Muling babalik sa dapat nating paglagyan
Ikaw, sa entablado mong ginagalawan
At ako, isang tagahangang nakamasid lamang
