Naglalakad ako mag isa
Sa daan habang tulala
Nang bigla akong napatigil sa kanto
Nakita kita at ang oras biglang huminto
Lumingon ka saken at ngumiti
At nakaramdam ang puso ko ng kiliti
Tanong ko sa sarili ko
San ba ko dadalhin ng nararamdaman ko?
Naglakad ako papalayo sayo
Pero sinabayan mo ko
Dahilan kung bakit nagkakwentuhan tayo ng kung anu-ano
At nagsabihan ng mga sikreto
Ang akala kong panandalian
Di nagtagal ay naging palagian
Araw araw na kong kinikilig sayo
Kasi araw araw ko ring nakikita ang pag ngiti mo
Sa ibang banda ay parang may nag aabang sayo
Sabi ko sa sarili ko
Di sya magiging hadlang sa dapat sasabihin ko
Ngunit nagulat ako sa nakita ko
Hinagkan mo sya ng mahigpit
Dahilan upang puso ko’y mamilipit sa sakit
Di nagtagal ay naglakas loob akong umamin sayo
Kahit masakit ay susugal ako
Humakbang ako paraharap at umamin na ikaw ang mahal ko
Ngunit iniwas mo sarili mo
Sambit mo ay huli na ako
Kada makikita kita sa kanto
Titingin at ngingiti pa rin ako sayo
Na kahit saglit lang ay sana maramdaman mo
Na sa mga araw na kasama kita
Walang araw na hindi ako naging masaya
Walang minut na hindi ko ginusto na maging akin ka
Kahit palihim, masaya akong nakikita kang masaya
At kahit hindi mo natanggap yung nararamdaman ko sayo
Masaya akong hanggang dito na lang tayo
