Ngayong gabi, nakatingin sa alapaap
Naghihintay na ika’y muling mayakap
Nananaginip, nananaginip nga ba?
Sana’y magising sa bangungot na kinakaharap
Hindi mawari patuloy na paghikbi
Sa pagmulat nang mata, ako’y iniwang muli.
Oh kay daling sabihin nang mga katagang iyong binulong saakin.
Bukas pusong tinanggap ang nilahad mong damdamin
Pangakong di lilisanin, pag ibig ay nanamnamin
Ako’y nanalangin na sana’y iyong tuparin
Ngunit paggising sa umaga’y wala ka na sakin.
Sana’y di narinig, sanay di dinibdib
Mga salitang kay tamis, biglang naging mapait
Pangakong pagmamahalan unti unting winaglit
Salitang kay bilis binitawan, kay sarap pakinggan kahit walang kasiguraduhan
Unti unting nahulog sa iyong kasinungalingan.
Kasabay ng saya ang bigla mong paglisan
Umasa sa wala ngayon ako’y luhaan.
note: untitled, hoping I could get any suggestions para sa title.
