Paalam na sa dulo na hindi natin naabot. Nasa gitna pa lang pero bigla nang natapos
Mahirap tanggapin ang katotohanan na pinagtagpo pero hindi pinalago.
‘Yun bang hinayaan manahan sa presensya ng bawat isa, hanggang sa bigla na lang huminto
Hindi akalain na hahanapin yung bagay na dati naman ay ayos kang wala
Yun bang kaya mo magpatuloy pero hanap mo pa rin ang presensya niya
Minsan mo nang sinabi sa sarili na di na uulit, o na gagalingan mo na sa susunod
Pero bakit natatalisod ka nanaman sa mga pangako na ikaw mismo ang nagbunsod?
Alam kong tapos na at nagpaalam na, ang ayos pa nga kasi sabi mo “Ako Na”
kaya kumapit ako sa mahabang panahon, hanggang sa sabihin mo na “Okay Na”
pumasok sa mala-relasyon na wala namang pundasyon
Mahabang panahon din ang ginugol ko sa paghihintay
Ngayon handa na ako na mag-isang tahakin ang direksiyon
At sabihin na ang aking paghihintay ay naging makulay
Unti-unting natuto – na tanggapin ang dulo na kahit kailan ay hindi magiging atin
