Disclaimer: The views and opinions expressed in this article are those of the authors and do not necessarily reflect the official position of Boiling Waters PH.
Wala ka na pero bulag pa rin ako
Sa katotohanang hindi ikaw ang tamang tao
Minahal ka at sinubukang mabuo
Na kahit sarili ay handang ipagkanulo
Wala ka na pero nandito pa rin ako
Sa mga alaala’y hindi makatakbo
Hindi maalis ang pagkalito
Kung bakit ika’y umayaw at lumayo
Wala ka na pero naghihintay pa rin ako
Na ako na mismo ang mapagod at sumuko
Pero hinahanap pa din yung dating tayo
Kahit napako na ang mga pangako
While you are busy reading this article, try mo rin makinig sa episode namin:
Wala ka na pero umaasa pa rin ako
Na ang sakit kinalauna’y maglalaho
Sa ngayon ay pupulutin muna ang mga piraso
Hanggang sa ako na ang muling mabuo
